Plantun de Prouvènço

Pèr coumpara dos planto d'encò nostre

Limonium bellidifolium & Allium chamaemoly

Limonium bellidifolium

Plumbaginaceae

Nom en français : Limonium à feuilles de pâquerette.

Descripcioun :
Aquesto saladello fai de mato au sòu d'ounte parton de cambo flourido. Li bratèio di flour soun escariouso e pas verdo eici. Coume lou noum lou dis, li fueio dounon d'èr à-n-aquéli de la margarideto. S'atrobo souvènt coutrìo l'engano-bouisounouso, Sarcocornia fruticosa. La planto èi marcado sus listo roujo categourìo CR, valènt-à-dire en dangié criti.

Usanço :
Poudèn pensa que li fueio soun manjadisso mai avèn pas d'entresigne segur. Escriéure au site se n'en sabès mai.

Port : Pichoto planto lignouso
Taio : Pancaro entresigna
Fueio : basalo
Tipe bioulougico : Camefite
Cicle bioulougico : Planto renadivo

Gènre : Limonium
Famiho : Plumbaginaceae

Ordre : Caryophyllales

Coulour de la flour :
Petalo : 5
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : Pancaro entresigna
Aparado : Noun

Liò : Sansouiro - Mar
Estànci :
Couroulougi : Pancaro entresigna
Ref. sc. : Limonium bellidifolium (Gouan) Dumort., 1827

Aiet(-pichot-Moly)

Allium chamaemoly

Amaryllidaceae Alliaceae

Noms en français : Ail petit Moly, Petit Ail doré.

Descripcioun :
Aquest aiet flouris en plen ivèr. Trachis dins li tepiero sablouso pas liuen de la mar. Se recounèis à si fueio que rebalon au sòu, torso e pelouso sus li bord, à si flour, pulèu pichoto e sènso pecou emé de tepalo qu'an uno costo verdo bèn marcado.

Usanço :
Couneissèn pas d'usanço particuliero pèr aquelo planto. Ramenten qu'es uno planto aparado.

Port : Erbo
Taio : Pancaro entresigna
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Allium
Famiho : Amaryllidaceae
Famiho classico : Alliaceae

Ordre : Asparagales

Coulour de la flour : Blanco
Petalo : 6
Ø (o loungour) flour : Pancaro entresigna
Flourido : Ivèr

Sòu : Ca
Autour basso e auto : Pancaro entresigna
Aparado : Vo
Remarco : Planto de coustiero

Liò : Tepiero seco - Sablo - Paret
Estànci : Termoumediterran à Mesoumediterran
Couroulougi : Pancaro entresigna
Ref. sc. : Allium chamaemoly L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

Limonium bellidifolium & Allium chamaemoly

ges

Coumpara Saladello(-di-fueio-de-margarideto) emé uno autro planto

Coumpara Aiet(-pichot-Moly) emé uno autro planto